Iguzki Lore taldean hasi ziren kantatzen, 2003-an IZARRAK taldea sortu arte.

2004-an Baxe-Nafarroako Kantu Xapelketan bigarren saria ukan zuten, eta urte berean, 4 kantuz osatua den diska bat atera zuten.

Horrela, emanaldi ainitzetan agertzeko parada ukan zuten, hala nola Niko ETXARTen, Joseba TAPIAren, edo Anje DUHALDEren kontzertuen idekitzeko.

Ardura entzunak dira ere Baionako Jean DAUGER zelaian.

2007an, laukoteak parte hartzen du Pier Pol BERZAITZi eskainia den omenaldian. Juana ETCHEGOIN eta ELAUDI taldearen zuzendaritzapean, Burgueten, Urepelen eta Maulen presentatzen dira.

2008ko udan, AGORILA disketxearen laguntzarekin, “BIZIARI SO ” bigarren zinta ateratzen dute.

Proiektu hori, Euskaldun artista batzuen parte-hartzeari esker eramaiten dute. Hara nola, Itxaro BORDA, Philippe ALBOR, Jean-Louis DAVANT, Peio CHAUVIN, eta Jean ETXART-ekin lanari lotu dira.

Peio CHAUVIN, Xan ERROTABEHERE, Maurice ANOCIABAR, Pampi LURO eta Emmanuelle GARCIA musikariek alaiturik, 13 titulu grabatzen dituzte, Jean-Marie PIOLEk zuzendaritza artistikoa kudeatzen duelarik.

Diska hortan, neskek parada berezia ukaiten dute Niko ETXART kantari famatuarekin « Bidajez » sorkuntza emaiteko.